50 წლის აეროდინამიკის ინჟინერი ანტონია ტერზის დიდ ბრიტანეთში, ავტოსაგზაო შემთხვევის შედეგად დაიღუპა.
ის ერთ-ერთი პირველი ქალი იყო, რომელიც F1-ში ხელმძღვანელის პოზიციაზე დანიშნეს. სწორედ მისი იდეა იყო უილიამსის ბოლიდის (FW26) ლეგენდარული ცხვირის შექმნა, სწორედ ამ პერიოდში ის შუმახერთან ერთად მუშაობდა.
„ღრმად ვწუხვართ ჩვენი ყოფილი კოლეგის და აეროდინამიკის უფროსის ანტონია ტერზის წასვლით. ამ რთულ დროს, ჩვენ ვფიქრობთ ანტონიას მეგობრებსა და ოჯახზე“, - წერია უილიამსის Twitter-ის ოფიციალურ გვერდზე.
ტერზი ავსტრალიაში გადასვლას და კანბერას უნივერსიტეტში პედაგოგიური კარიერის დაწყებას აპირებდა. მანამდე მას ასისტენტ-პროფესორის თანამდებობა ეკავა დელფტის უნივერსიტეტში.
ტერზის პროექტებს შორის განსაკუთრებულია სუპერბუსი, სრულად ელექტრო მანქანა, რომელსაც შეუძლია გადაიყვანოს 23 მგზავრი და მიაღწიოს წარმოუდგენელ სიჩქარეს 250 კმ/ საათში.
We are deeply saddened to learn of the passing of our former colleague and chief aerodynamicist, Antonia Terzi.
— Williams Racing (@WilliamsRacing) November 1, 2021
Our thoughts go out to Antonia's friends and family at this difficult time. pic.twitter.com/lgrhmanuQm