ტოკიოს ოლიმპიური თამაშების გამარჯვებულები მედლებს კისერზე თავად ჩამოიცვამენ. ინფორმაციას ამის შესახებ National Public Radio ავრცელებს.
საერთაშორისო ოლიმპიური კომიტეტის პრეზიდენტის, თომას ბახის თქმით, მედლებს პრიზიორებს ლანგრით მიართმევენ, ხოლო ისინი საკუთარ თავს თავად დააჯილდოვებენ.
ამასთან, კორონავირუსის გავრცელების პრევენციის მიზნით, ადამიანს, რომელიც კვარლცხბეკთან მედლებიან ლანგარს გამოიტანს, დეზინფიცირებული ხელთათმანები ეკეთება.
გამარჯვებულები პოდიუმზე პირბადეებით იდგებიან.
შეგახსენებთ, ტოკიოს ოლიმპიადა გასულ წელს უნდა გამართულიყო, მაგრამ კორონავირუსის პანდემიის გამო, საერთაშორისო სპორტული შეჯიბრებები ერთი წლით გადაიდო. თამაშები 2021 წლის 23 ივლისიდან 8 აგვისტომდე გაიმართება.
