მსახიობი ალეკ ბოლდუინი შეხვდა იმ ოპერატორის მეუღლესა და ვაჟს, რომელიც, რამდენიმე დღის წინ, გადასაღებ მოედანზე, მის მიერ გასროლილ ტყვიას ემსხვერპლა. ინფორმაციას Fox News ავრცელებს.
მედიამ მსახიობი სანტა-ფესთან, ნიუ მექსიკოში, იმ სასტუმროსთან დააფიქსირა, სადაც ჰალინა ჰატჩინსის მეუღლე და 9 წლის ვაჟი იმყოფებოდნენ.
შეგახსენებთ, 22 ოქტომბერს დილით, მედიაში გავრცელდა ინფორმაცია, რომ მსახიობმა ალეკ ბოლდუინმა, ფილმის გადაღებების რეპეტიცაზე სარეკვიზიტო ცეცხლსასროლი იარაღიდან ორჯერ გაისროლა, რის შედეგად ოპერატორი ქალი დაიღუპა. გარდაცვლილია 42 წლის უკრაინული წარმოშობის ოპერატორი, ჰალინა ჰატჩინსი.
ამასთან, დაჭრილია ფილმის რეჟისორიც. ჯოელ სოუსა, რომელსაც ალეკ ბოლდუინის საბედისწერო გასწოლის შედეგად, მხარში ტყვიის ნამსხვრევი მოხდა, საავადმყოფოდან მალევე გაწერეს.
პოლიციამ ბოლდუინი დაკითხა და დაუყოვნებლივ გაათავისუფლა. ჯერ-ჯერობით უცნობია, წაუყენებენ თუ არა მას ბრალს.
