Pegasus-ის თვითმფრინავში, რომელიც დასაშვები ბილიკიდან გადავიდა და დაიმტვრა, საქართველოს მოქალაქეების ყოფნის შესახებ, ინფორმაცია საქართელოს საგარეო საქმეთა სამინისტროში, ამ ეტაპზე, არ შესულა.
როგორც საგარეო საქმეთა სამინისტროდან report.ge-ს აცნობეს გენერალური საკონსულო ყველა შესაბამის უწყებასთან კავშირზეა.
„ ამ ეტაპისთვის, ბორტზე საქართველოს მოქალაქეების ყოფნის შესახებ ინფორმაცია არ შემოსულა. გენერალური საკონსულო ყველა შესაბამის უწყებასთან კავშირზეა'',-აცხადებენ საქართველოს საგარეო საქმეთა სამინისტროში.
ცნობისთვის, Pegasus Airlines-ის სამგზავრო თვითმფრინავი, რომელიც იზმირიდან მოფრინავდა, საბიჰა გოქჩენის სახელობის აეროპორტში დაშვების შემდეგ, დასაშვები ბილიკიდან გადავიდა. თვითმფრინავის ფიუზელაჟი სამ ნაწილად დაიშალა და ცეცხლი გაუჩნდა. ინციდენტის დროს ბორტზე 171 მგზავრი და ეკიპაჟის 6 წევრი იმყოფებოდა. 52 ადამიანი საავადმყოფოში გადაიყვანეს. დაღუპულები არ არიან.
