კორონავირუსის პირველი ვაქცინის შემქმნელისა და ფარმაცევტული კომპანია BioNTech-ის დამაარსებლის, უგურ საჰინის განცხადებით, კორონავირუსის პანდემია 2021 წლის ზაფხულის ბოლოს სრულ კონტროლს დაექვემდებარება.
საჰინი აცხადებს, რომ კომპანიას ვაქცინების "მრავალი დოზის" წარმოების შესაძლებლობა აქვს, რაც მსოფლიოს პანდემიასთან გამკლავების საშუალებას მისცემს.
უგურ საჰინმა აღნიშნა, რომ ამ ეტაპისთვის 1.3 მილიარდი დოზის წარმოებაა დაგეგმილი, თუმცა სამომავლოდ წარმოების გაზრდა იგეგმება.
ცნობისთის, კომპანია Pfizer-ისა და BioNTech-ის მიერ შემუშავებული COVID-19-ის ვაქცინა აშშ-ის სურსათისა და მედიკამენტების ადმინისტრაციის მიერ დამტკიცებული ან ლიცენზირებული არ არის, თუმცა, ადმინისტრაციამ 16 წელს მიღწეულ პირებში მისი გადაუდებელი საჭიროების შემთხვევაში გამოყენების ნებართვა გასცა.
Pfizer/BioNTech-ის მიერ შექმნილი პრეპარატით ვაქცინაცია უკვე დიდ ბრიტანეთში მიმდინარეობს.