ლიეტუვას საგარეო საქმეთა სამინისტრო მიხეილ სააკაშვილის დაკავებას ეხმაურება. უწყებამ Twitter-ზე განცხადება გამოაქვეყნა, სადაც მოუწოდებს საქართველოს ხელისუფლებას, თავი შეიკავონ პოლიტიზებული გადაწყვეტილებებისგან.
"ლიეტუვა ყურადღებით აკვირდება საქართველოს ექს-პრეზიდენტ სააკაშვილის მის სამშობლოში დაკავების ცნობებს. ველით, რომ კანონის უზენაესობა და შესაბამისი პროცესები იქნება დაცული. მტკიცედ მოგიწოდებთ თავი შეიკავოთ ნებისმიერი პოლიტიზებული გადაწყვეტილებისგან", – ნათქვამია ლიეტუვას საგარეო საქმეთა სამინისტროს ტვიტში.
Lithuania is closely following the reports on the detention of the former GE president Saakashvili in his homeland. We expect that the principles of the rule of law and due process will prevail. Strongly call to refrain from any politicized decisions.
— Lithuania MFA (@LithuaniaMFA) October 1, 2021
ცნობისთვის, მიხეილ სააკაშვილი ციხეში შიმშილობსდა უკრაინის კონსულთან შეხვედრას ითხოვს.
შეგახსენებთ, მიხეილ სააკაშვილმა ვიდეომიმართვა გაავრცელა, რომელშიც აცხადებდა, რომ ბათუმში იყო.
ვიდეოს გამოქვეყნებამდე სააკაშვილმა სოციალურ ქსელში დაწერა, რომ ის საქართველოში იმყოფებოდა.
მმართველი პარტიაში აცხადებდნენმ რომ სააკაშვილს უკრაინის ტერიტორია არ დაუტოვებია, ხოლო ბათუმში გადაღებული ვიდეოები ყალბია.
"ქართული ოცნების" ლიდერების მსგავსად შინაგან საქმეთა სამინისტროში აცხადებდნენ, რომ სააკაშვილს საქართველოს საზღვარი არ გადმოუკვეთავს.
დღის ბოლოს საქართველოს პრემიერ-მინისტრმა, ირაკლი ღარიბაშვილმა განაცხადა, რომ საქართველოს ექსპრეზიდენტი მიხეილ სააკაშვილი დაკავებულია.
ნახეთ, სად და რა ვითარებაში დააკავეს მესამე პრეზიდენტი.