აშშ-ის პრეზიდენტი დონალდ ტრამპი ირანში გამართულ ანტისამთავრობო აქციას სოციალურ ქსელში ეხმაურება. ტრამპი ირნელ ხალხს მიმართავს და აღნიშნავს, რომ შთაგონებულია მათი გამბედაობით. პრეზიდენტი მიმართვას სპარსულ და ინგლისურ ენებზე ავრცელებს.
„მამაც და მრავალ ტანჯულ ირანელ ხალხს: ჩემი პრეზიდენტობის პირველივე დღიდან თქვენს გვერდით ვდგავარ. ჩემი ადმინისტრაცია გააგრძელებს თქვენს გვერდით დგომას. ჩვენ ყურადღებით ვაკვირდებით თქვენს პროტესტს და შთაგონებული ვართ თქვენი გამბედაობით“, – წერს დონალდ ტრამპი.
دولت ایران باید به گروههای حقوق بشر اجازه بدهد حقیقت کنونی اعتراضات در جریان مردم ایران را نظارت کرده و گزارش بدهند. نباید شاهد کشتار دوباره ی معترضان مسالمت آمیز و یا قطع اینترنت باشیم. جهان نظاره گر این اتفاقات است.
— Donald J. Trump (@realDonaldTrump) January 11, 2020
To the brave, long-suffering people of Iran: I've stood with you since the beginning of my Presidency, and my Administration will continue to stand with you. We are following your protests closely, and are inspired by your courage.
— Donald J. Trump (@realDonaldTrump) January 11, 2020
შეგახსენებთ, გუშინ ირანის დედაქალაქ თეირანის ქუჩებში ასობით ადამიანმა უკრაინული ბოინგის ჩამოგდება და ,,დაგვიანებული აღიარება" გააპროტესტა.
ანტისამთავრობო აქცია სპეცდანიშნულების რაზმმა ცრემლსადენი გაზით დაშალა.
თავდაპირველად ირანის ქუჩებში სტუდენტები გამოვიდნენ. თეირანის ცენტრში 1000-მდე ადამიანი შეიკრიბა, ისმოდა მოწოდებები უმაღლესი თანამდებობის პირებისა და ირანის რევოლუციური გვარდიის ქმედების წინააღმდეგ, რომელსაც უდანაშაულო ადამიანების სიცოცხლე შეეწირა.
აქციის მონაწილეები გამოძიების ობიექტურად ჩატარებასა და დამნაშავეების დასჯას ითხოვდნენ.
გუშინ ირანმა აღიარა უკრაინული თვითმფრინავის "ბოინგ 737-ის" შემთხვევით ჩამოგდება, რომელზეც 176 ადამიანი იმყოფებოდა და ვერც ერთი მათგანის გადარჩენა ვერ მოხერხდა.
თეირანში 8 იანვარს მომხდარი ავიაკატასტროფის შედეგად დაღუპულია ირანის 82 მოქალაქე, 63 კანადის და 11 უკრაინის. ბორტზე ასევე იმყოფებოდნენ შვედეთის, ავღანეთის, გერმანიის და ბრიტანეთის მოქალაქეები.