ჯანდაცვის მსოფლიო ორგანიზაციის მონაცემებით, მსოფლიოში კორონავირუსით ინფიცირებულთა რაოდენობამ 157 973 438-ს გადააჭარბა. გასული დღე-ღამის განმავლობაში COVID-19-ით 677 545 ადამიანი დაინფიცირდა.
კორონავირუსის პანდემიას სულ 3 288 455-ზე მეტი ადამიანი ემსხვერპლა, მათ შორის 11 061 გასული 24 საათის განმავლობაში.
ჯანმო-ს ცნობით, ბოლო 24 საათის განმავლობაში გამოვლენილი შემთხვევების 56%-ზე მეტი სამხრეთ-აღმოსავლეთ აზიის რეგიონში (385,927) მოდის, მას მოსდევს ამერიკა (167,820) და ევროპა (65,404).
ახალი შემთხვევების უმეტესობა აშშ-ში გამოვლინდა - 32 334 764 ახალი ინფიცირებული. მეორე ადგილზეა ინდოეთი (22 662 575), შემდეგ მოდის ბრაზილია (15 145 879), საფრანგეთი (5 685 421), თურქეთი (5 031 332), რუსეთი (4 880 262), დიდი ბრიტანეთი (4,434,864), იტალია (4,111,210), ესპანეთი (3,559,222), გერმანია (3,527,251), არგენტინა (3,136,158) და კოლუმბია (2,985,536). გარდაცვლილთა ყველაზე მეტი რაოდენობა აშშ – შია - 575 980, მეორე ადგილზეა ბრაზილია (421 316), მესამეზე - ინდოეთი (246 116). ამას მოსდევს მექსიკა (218 928), დიდი ბრიტანეთი (127 605), იტალია (122 833), რუსეთი (113 326), საფრანგეთი (105 630), გერმანია (84 829), ესპანეთი (78 726), კოლუმბია (77) 359) და ირანი (74,910).
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო. 21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
