ონტარიოს უზენაესმა სასამართლომ კანადაში დაადგინა, რომ თეირანში 2 წლის წინ უკრაინის ავიახაზების ჩამოგდების შედეგად გარდაცვლილთა ოჯახები 107 მილიონი კანადური დოლარის ოდენობის კომპენსაციასა და პროცენტებს მიიღებენ. Report.ge-ს ცნობით, ამის შესახებ უკრაინული მედია სასამართლოს განცხადებაზე დაყრდნობით წერს.
კერძოდ, 6 გარდაცვლილის ოჯახის წევრებმა, რომლებმაც სასამართლოში სარჩელი შეიტანეს, 100 მილიონი კანადური დოლარი,მ ასევე მორალური ტანჯვისთვის 7 მილიონი ოდენობის კომპენსაცია უნდა გაიყონ.
ეს გადაწყვეტილება ეფუძნება მაისის სასამართლოს გადაწყვეტილებას, რომლის თანახმად PS752-ის ჩამოგდება მიზანმიმართულ ტერორისტული აქტად შეფასდა.
შეგახსენებთ, თეირანში 2020 წლის 8 იანვარს მომხდარ ავიაკატასტროფას 167 მგზავრი და ეკიპაჟის 9 წევრი ემსხვერპლა. დაღუპულთა შორის ირანის 82 მოქალაქე იყო.
ირანმა აღიარა უკრაინული თვითმფრინავის "ბოინგ 737-ის" შემთხვევით ჩამოგდება, რომელზეც 176 ადამიანი იმყოფებოდა და ვერც ერთი მათგანის გადარჩენა ვერ მოხერხდა.
ჰასან როჰანიმ ამ ფაქტს კატასტროფული შეცდომა უწოდა და ღრმა მწუხარება გამოთქვა. აღნიშნულ ფაქტს ირანში საპროტესტო აქციები მოჰყვა.
