ქაბულში კიდევ ერთი, რიგით მესამე აფეთქება მოხდა.
Al Jazeera-ს ცნობით, ავღანეთის დედაქალაქში მომხდარი ტერაქტის შედეგად დაღუპულთა რაოდენობა 40-მდე გაიზარდა, დაშავებულია110 ადამიანი.
ცნობისთვის, ქაბულის აეროპორტთან ორი აფეთქება რამდენიმე საათის წინ მოხდა.
დღეს დილით ავსტრალიამ, აშშ-მა და დიდმა ბრიტანეთმა თავიანთ მოქალაქეებს მოუწოდეს, ქაბულის ჰამიდ კარზაის სახელობის აეროპორტს ერიდონ, რადგან იქ ტერაქტის საფრთხე არსებობს.
რადიკალურმა მოძრაობა "თალიბანმა" ავღანეთის დედაქალაქი ქაბული 15 აგვისტოს აიღო.
ავღანეთის პრეზიდენტმა აშრაფ ღანიმ, შტაბის უფროსთან და ეროვნული უსაფრთხოების მრჩეველთან ერთად, ქვეყანა დატოვა.
ღანის თქმით, მან ქვეყანა ქაბულში სისხლისღვრის თავიდან ასაცილებლად დატოვა.
ავღანეთი "თალიბანმა" ავღანეთის ისლამურ საამიროდ გამოაცხადა.
დედაქალაქ ქაბულის აეროპორტის ასაფრენ ბილიკზე დიდი რაოდენობით ხალხი შეიჭრა. ისინი ქვეყნის დატოვებას ცდილობდნენ. ადამიანები აეროპორტის ტერიტორიაზე ამ დრომდე რჩებიან.
